तिरूपती देवस्थानाच्या अध्यक्षपदी मद्यविक्रेत्याला नेमणार्या काँग्रेसला निवडणुकीत धडा शिकवा !हैद्राबाद, २९ ऑगस्ट (वृत्तसंस्था) – तिरूमला तिरुपती देवस्थानच्या अध्यक्षपदी तेलगु देसम पक्षातून हकालपट्टी झालेले खासदार व मद्यविक्री व्यावसायिक डी.के. अडीकेसावलू यांची नियुक्ती करण्यात आली आहे. (देवस्थानच्या अध्यक्षपदी सात्त्विक व्यक्तीची निवड न करता तमोगुणी मद्यविक्री व्यावसायिकाची निवड होणे, हा देवस्थानचा व भक्तांचा घोर अपमानच आहे ! – संपादक) २२ जुलै रोजी लोकसभेत बहुमत सिद्ध करतेवेळी केंद्र सरकारच्या बाजूने मतदान केल्यानेच ही बक्षीसरूपी नियुक्ती झाल्याचे बोलले जात आहे. (हिंदूंची देवस्थाने म्हणजे स्वत:ची खाजगी मालमत्ता असल्याप्रमाणे वागणारी काँग्रेस ! हिंदूंनो, राजकीय खेळी जिंकण्यासाठी हिंदूंच्या श्रद्धास्थानांची बक्षिसे लावण्याची ही नवीन पद्धती वेळीच रोखा ! – संपादक) तिरूमला तिरूपती देवस्थान समितीच्या अध्यक्षपदी असलेले श्री. करूणाकर रेड्डी यांचा २ वर्षाचा कार्यकाल या महिन्यात संपत असून त्यानांच वाढीव मुदत देण्यात येणार असल्याची चिन्हे होती; परंतु अडिकेसावलू यांनी मुख्यमंत्री सॅम्युअल राजशेखर रेड्डी यांची भेट घेतल्यानंतर चक्रे फिरल्याने सारेच अचंबित झाले आहेत. अडिकेसावलू हे २००४ साली ६ महिने तिरूमला तिरूपती देवस्थान समितीच्या अध्यक्षपदी होते. मद्यविक्री व्यावसायिक असलेल्या व्यक्तीची देवस्थान समितीच्या अध्यक्षपदी निवड झाल्याबद्दल त्या वेळीही भक्तांमध्ये तीव्र असंतोष पसरला होता. या वेळी अडिकेसावलू हे ३ वर्षांसाठी अध्यक्ष असतील. मुख्यमंत्री सॅम्युअल राजशेखर रेड्डी यांनी अडिकेसावलू यांची देवस्थानच्या अध्यक्षपदी केलेली निवड ही राजकीय खेळी असल्याचे समोर येत आहे. (हिंदूंच्या श्रद्धास्थानांचा राजकीय फायदा उठवण्यासाठी उपयोग करणारे काँग्रेसचे मुख्यमंत्री ! मंदिरांचे सरकारीकरण झाल्यास होणार्या परिणामांची ही एक झलक आहे ! – संपादक) देवस्थानच्या अध्यक्षपदी निवडून त्यांना चित्रपट कलावंत चिरंजीवी यांच्या पक्षात जाण्यापासून रोखण्यात आले. अडिकेसावलू हे रविवारी लोकसभेचा राजीनामा देतील. केंद्र सरकारने बहुमत सिद्ध केल्यानंतर तेलगू देसम पक्षाचे चंद्रबाबू नायडू यांनी अडिकेसावलू यांची पक्षाच्या धोरणांविरूद्ध वागल्याबद्दल पक्षातून हकालपट्टी केली होती.
|
निगडीत वृत्त : हिंदूंनो या धर्मद्रोह्यांना विसरू नका
