वॉशिंग्टन, १९ जुलै – पाकिस्तानच्या कबाइली या भागात तालिबान चालवत असलेल्या मदरशांत ८० अमेरिकी विद्यार्थी प्रशिक्षण घेत असल्याची धक्कादायक माहिती समोर आली आहे. त्यामुळे अमेरिकी संसदेतील प्रतिनिधी चिंतेत आहेत. या संदर्भात नुकत्याच झालेल्या संसदेतील प्रतिनिधींच्या बैठकीत देशाच्या सुरक्षेसाठी ही अत्यंत धोकादायक बाब असल्याचे म्हटले आहे.
पाकिस्तानच्या मदरशांत शिक्षण घेणार्या या विद्यार्थ्यांकडे अधिकृत पारपत्र आहे. प्रशिक्षण झाल्यावर पुन्हा देशात परतण्याची या विद्यार्थ्यांची योजना आहे. `या विद्यार्थ्यांचे मदरशांतील प्रशिक्षण अमेरिका व युरोप यांच्या सुरक्षेला थेट प्रभावित करणारे आहे’, असे अमेरिकी संसदेतील प्रतिनिधींचे म्हणणे आहे.
