क्रांतीकारकांबद्दल हेतूपुरस्सर अनादर निर्माण करणार्या राष्ट्रीय मुक्त विद्यालय शिक्षण संस्थेचा धिक्कार !
राष्ट्रीय मुक्त विद्यालयाचा देशद्रोही कारभार !
नवी दिल्ली, १२ जुलै – राष्ट्रीय मुक्त विद्यालय शिक्षण संस्थेच्या १२ वीच्या पुस्तकात महान क्रांतीकारक भगतसिंग व चंद्रशेखर आझाद यांच्यासह अनेक क्रांतीकारकांचा उल्लेख `अतिरेकी’ असा केला आहे.
(असे करून राष्ट्रीय मुक्त विद्यालय शिक्षण संस्थेने या महान क्रांतीकारकांचा व समस्त राष्ट्राभिमानी भारतियांचा जो अपमान केला आहे, त्याला जगात तोड नाही. विद्यार्थ्यांच्या मनात क्रांतीकारकांबद्दल अनादर निर्माण करण्याचा हा हेतूपुरस्सर केलेला अश्लाघ्य प्रयत्न आहे. याकरता शिक्षण संस्थेचा धिक्कार करावा तेवढा थोडाच ! – संपादक) राष्ट्रीय मुक्त विद्यालय शिक्षण संस्थेच्या १२ वीच्या इतिहास मोड्यूलचे (तीन) पुस्तक जुलै २००७ मध्ये आले. त्याच्या १७० व १७१ या पृष्ठांवर स्वातंत्र्यसैनिकांचा परिचय देण्यात आला आहे. या परिचयात क्रांतीकारकांना अतिरेकी भासवण्यात आले आहे. दिल्ली विधानसभेचे विरोधी पक्षनेते श्री. जगदीश मुखी यांनी `या पुस्तकातील आक्षेपार्ह मजकूर तात्काळ वगळावा’, अशी मागणी केली आहे. (विरोधी पक्षनेत्यांना अशी मागणी का करावी लागते ? सरकारलाच सदर मजकूर वगळला जावा, असे का वाटत नाही ? – संपादक) या प्रकरणी केंद्रीय मनुष्यबळ मंत्री
श्री. अर्जुन सिंग आणि शिक्षण संस्थेचे अध्यक्ष श्री. एम्.सी. पंत यांनाही पत्राद्वारे कळवण्यात आले आहे. हुतात्मा भगतसिंग, चंद्रशेखर आझाद आणि रामप्रसाद बिस्मील यांच्यासारख्या अनेक क्रांतीकारकांचा इतिहास चुकीच्या पद्धतीने शिकवला जात आहे. असे करणार्यांवर कठोर कारवाई केली जावी, अशी मागणी श्री. मुखी यांनी केली आहे.
